સૌરાષ્ટ્રમાં મેઘતાંડવ : ૧૨ ઇંચથી વધુ વરસાદ : CMનું હવાઈ નિરીક્ષણ

0
822
મુખ્યમંત્રી રૂપાણી, મુખ્યસચિવ જે. એન. સિંઘ અને CMના અગ્ર સચિવ કે. કૈલાસનાથને આજે પૂરગ્રસ્ત વિસ્તારોનું હવાઈ નિરીક્ષણ કર્યું હતું
  • – રાજ્યના ૧૧૫ તાલુકાઓમાં નોંધપાત્ર વરસાદ
  • – સૌરાષ્ટ્ર-દક્ષિણ ગુજરાતમાં ભારે વરસાદ, લોકો લાચાર બન્યા
  • – રાજ્યના ચોવીસ તાલુકાઓમાં ચાર ઇંચથી વીસ ઇંચ જેટલો વરસાદ
  • – રાજ્યનો કુલ સરેરાશ વરસાદ ૪૦.૭૩ ટકા
  • – સૌથી વધુ દક્ષિણ ગુજરાતમાં ૫૭.૨૭ ટકા વરસાદ નોંધાયો
  • – મુખ્યમંત્રી રૂપાણી, મુખ્યસચિવ જે. એન. સિંઘ અને CMના અગ્ર સચિવ કે. કૈલાસનાથને આજે પૂરગ્રસ્ત વિસ્તારોનું હવાઈ નિરીક્ષણ કર્યું હતું.

    Flood in seven districts of south Gujarat, Saurashtra; more rain forecast
    Flood in seven districts of south Gujarat, Saurashtra; more rain forecast

    અમદાવાદ: રાજ્યમાં છેલ્લા પાંચેક દિવસથી સાર્વત્રિક વરસાદી માહોલ સર્જાયો છે. છેલ્લા ચોવીસ કલાકમાં સૌરાષ્ટ્ર અને દક્ષિણ ગુજરાતમાં ભારે વરસાદ થયો છે. જેમાં રાજ્યના ૧૧૫ તાલુકાઓમાં નોંધપાતણ્ર વરસાદ થયો છે. આ સાથે રાજ્યનો ચાલુ મોસમનો કુલ સરેરાશ વરસાદ ૪૦.૭૩ ટકા જેટલો નોંધાયો છે. જેમાં સૌથી વધુ દક્ષિણ ગુજરાત રીજિયનમાં ૫૭.૨૭ ટકા જેટલો સરેરાશ વરસાદ વરસ્યો છે. મુખ્યમંત્રી વિજય રૂપાણી, મુખ્ય સચિવ જે. એન. સિંઘ અને મુખ્યમંત્રીના અગ્રસચિવ કે. કૈલાસનાથને આજે હેલિકોપ્ટર દ્વારા સૌરાષ્ટ્રના જળમગ્ન વિસ્તારોનું હવાઈ નિરીક્ષણ કર્યું હતું.

    ગીરગઢડામાં 20, ઉનામાં 14 અને કોડીનારમાં 13 ઇંચ વરસાદઃ CMનું હવાઈ નિરીક્ષણ
    ગીરગઢડામાં 20, ઉનામાં 14 અને કોડીનારમાં 13 ઇંચ વરસાદઃ CMનું હવાઈ નિરીક્ષણ

    રાજ્યના સ્ટેટ ઇમરજન્સી ઓપરેશન સેન્ટર દ્વારા મળેલા અહેવાલો મુજબ આજે તા.૧૭/૦૭/૨૦૧૮ને સવારે ૭-૦૦ કલાક સુધી રાજ્યના ચોવીસ તાલુકાઓમાં ચાર ઇંચથી વીસ ઇંચ જેટલો વરસાદ વરસ્યો છે. ગીર-સોમનાથ જિલ્લાના ગીરગઢડામાં ૪૯૬ મી.મી. એટલે કે ૨૦ ઇંચ, ઉના તાલુકામાં ૩૫૦ મી.મી. એટલે કે ૧૪ ઇંચ અને કોડીનાર તાલુકામાં ૩૩૦ મી.મી. એટલે કે ૧૩ ઇંચથી વધુ વરસાદ વરસ્યો હોવાના અહેવાલો છે.
    રાજ્યના જાફરાબાદ તાલુકામાં ૨૮૪ મી.મી. એટલે કે ૧૧ ઇંચ, સુત્રાપાડામાં ૨૪૫ મી.મી. એટલે કે ૧૦ ઇંચ જેટલો, ધરમપુરમાં ૨૨૫ મી.મી. એટલે કે નવ ઇંચ, વલસાડમાં ૨૧૭ મી.મી., વઘઇમાં ૨૦૦ મી.મી., પારડીમાં ૧૯૮ મી.મી. મળી કુલ ત્રણ તાલુકાઓમાં આઠ ઇંચ, ખેરગામમાં ૧૯૫ મી.મી., રાજકોટમાં ૧૮૭ મી.મી., રાજુલા અને તળાજામાં ૧૭૫ મી.મી. મળી કુલ ચાર તાલુકાઓમાં સાત ઇંચ, મહુવામાં ૧૬૮ મી.મી., વેરાવળમાં ૧૪૯ મી.મી. મળી મળી કુલ બે તાલુકામાં છ ઇંચ, ચોટીલામાં ૧૪૩ મી.મી., કપરાડામાં ૧૩૪ મી.મી. અને મોરબીમાં ૧૨૮ મી.મી. મળી કુલ ત્રણ તાલુકાઓમાં પાંચ ઇંચ, કાલાવડમાં ૧૨૦ મી.મી., ભરૂચમાં ૧૧૨ મી.મી., વાંકાનેરમાં ૧૧૦ મી.મી., તલાલા અને વાપીમાં ૧૦૬ મી.મી., બોટાદમાં ૧૦૨ મી.મી. મળી કુલ છ તાલુકાઓમાં ચાર ઇંચથી વધુ વરસાદ વરસ્યો હોવાના અહેવાલો છે.
    આ ઉપરાંત વાંસદા તાલુકામાં ૯૭ મી.મી., લોધીકા અને આણંદમાં ૯૬ મી.મી., વાગરામાં: ૯૩ મી.મી. પડધરીમાં ૯૧ મી.મી., ખાંભામાં ૯૦ મી.મી., વડીયામાં ૮૮ મી.મી., માંગરોળમાં ૮૭ મી.મી., શિહોરમાં ૮૪ મી.મી., વીંછીયામાં ૮૩ મી.મી., ચીખલીમાં ૮૨ મી.મી., ગોંડલમાં ૮૦ મી.મી., ઘોઘામાં ૭૯ મી.મી., ભાવનગરમાં ૭૭ મી.મી., ડોલવણમાં ૭૬ મી.મી. મળી કુલ ૧૫તાલુકાઓમાં ત્રણ ઇંચ કરતાં વધુ વરસાદ વરસ્યો છે.
    જ્યારે દાંતા તાલુકામાં ૭૨ મી.મી., કોટડા-સાંગાણીમાં ૭૦ મી.મી., નવસારીમાં ૬૯ મી.મી., ગઢડામાં ૬૮ મી.મી., રાણપુરમાં ૬૭ મી.મી., ચુડામાં ૬૫ મી.મી., થાનગઢ અને ઉમરાળામાં ૬૪ મી.મી., ટંકારા અને વીસાવદરમાં ૬૩ મી.મી., વલ્લભીપુરમાં ૬૨ મી.મી., ખેડામાં ૬૧ મી.મી., જામકંડોરણામાં ૬૦ મી.મી., માળીયા-મીયાણામાં ૫૯ મી.મી., પાલીતાણા અને ઉમરપાડામાં ૫૮ મી.મી., લાઠી અને જલાલપોરમાં ૫૭ મી.મી., ધ્રોલ અને કુતીયાણામાં ૫૬ મી.મી., નડિયાદ અને ગણદેવીમાં ૫૫ મી.મી., મૂળી અને કરજણમાં ૫૪ મી.મી., વડોદરામાં ૫૩ મી.મી., કેશોદમાં ૫૨ મી.મી., ખંભાતમાં ૫૧ મી.મી., હાલોલમાં ૫૦ મી.મી. મળી કુલ ૨૭ તાલુકાઓમાં બે ઇંચથી વધુ અને અન્ય ૫૧ તાલુકાઓમાં એક ઇંચથી વધુ વરસાદ વરસ્યો હોવાના અહેવાલો સાંપડ્યા છે.

LEAVE A REPLY

Please enter your comment!
Please enter your name here