શર્મા ઓસ્ટ્રેલિયા સામે 55 રન બનાવતાની સાથે જ તે હેન્સને પાછળ છોડીને કાંગારૂ ટીમ સામે ODI ફોર્મેટમાં સૌથી વધુ રન બનાવનાર વિશ્વનો બીજો બેટ્સમેન બની જશે. હાલમાં તે ત્રીજા સ્થાને છે. ઉલ્લેખનીય છે કે, 3077 રન સાથે સચિન આ સૂચિમાં ટોપ પર છે.
ઓસ્ટ્રેલિયા સામે રોહિતનું પ્રદર્શન
ઓસ્ટ્રેલિયા સામે વનડે ફોર્મેટમાં રોહિત શર્માનું બેટ જોરદાર દોડ્યું છે. તેણે 2007થી કાંગારૂ સામે 40 મેચની 40 ઇનિંગ્સમાં 61.33ની એવરેજથી 2208 રન બનાવ્યા છે. આ દરમિયાન તેણે આઠ સદી અને આઠ અર્ધસદી ફટકારી છે. શર્માનો ઓસ્ટ્રેલિયા સામે ODI ફોર્મેટમાં 93.87નો સ્ટ્રાઈક રેટ છે.
પ્રથમ વનડેમાં નહીં રમે રોહિત
ઓસ્ટ્રેલિયા સામે મુંબઈમાં રમાનાર પ્રથમ વનડેમાં રોહિત શર્મા મેદાનમાં નહીં ઉતરે. તેની પત્ની રિતિકા સજદેહનો ભાઈ કુણાલ સજદેહ ટૂંક સમયમાં લગ્ન કરવા જઈ રહ્યો છે. શર્મા અને તેની પત્ની કુણાલના લગ્નમાં વ્યસ્ત છે. તેવામાં રોહિતની ગેરહાજરીમાં હાર્દિક પંડ્યા ટીમની કમાન સંભાળશે.
