સપ્તાહની શરૂઆતમાં ભારતીય શેરબજારો કડાકો જોવા મળ્યો હતો. સવારના10.55 વાગ્યે સેન્સેક્સ 1277 પોઈન્ટના ઘટાડા સાથે 55,734.20 પર કારોબાર કરી રહ્યો હતો. જ્યારે નિફ્ટી 396 પોઈન્ટના ઘટાડા સાથે 16,588.50 કારોબાર કરી રહ્યો છે સવારે 10.39 વાગ્યે સેન્સેક્સ 1063 પોઈન્ટના કડાકા સાથે 55,948.36 પર કારોબાર કરી રહ્યો હતો, જ્યારે નિફ્ટી 314 પોઈન્ટના કડાકા સાથે 16,671.05 પર કારોબાર કરી રહ્યો હતો શેરબજારમાં કડાકો જોવા મળી રહ્યો છે તેનું મુખ્ય કારણ ઓમિક્રોનના વધતા કેસ, વિદેશી રોકાણકારો દ્વારા વેચાણ અને સેન્ટ્રલ બેન્ક દ્વારા વ્યાજના દરમાં વધારો કરવાની આશંકા છે. છેલ્લા 4 દિવસમાં વિદેશી રોકાણકારોએ બજારમાંથી 80 હજાર કરોડ રૂપિયા કાઢ્યા છે. બેન્ક ઓફ ઈંગ્લેન્ડે અચાનક 0.15થી 0.25% રેટ વધારી બધાને ચોકાવી દીધા છે.નબળા વૈશ્વિક સેન્ટિમેન્ટ વચ્ચે શેરબજારમાં ભારે વેચવાલી જોવા મળી રહી છે. ઓમિક્રોન વેરિઅન્ટના વધતા જતા કેસોએ રોકાણકારોને સાવચેત કર્યા છે. આજના કારોબારમાં, સેન્સેક્સ અને નિફ્ટી બંને સૂચકાંકો ભારે નીચે આવ્યા છે. નિફ્ટી 17700ની નીચે સરકી ગયો છે. બીજી તરફ સેન્સેક્સ 1000 પોઈન્ટથી વધુ તૂટ્યો છે. બજારમાં આજે ચારે બાજુ વેચવાલી છે. બેન્ક અને નાણાકીય સૂચકાંકો નિફ્ટી પર 1.5 ટકાથી વધુ તૂટ્યા છે. PSU બેન્ક અને રિયલ્ટી ઇન્ડેક્સ 2 ટકાથી વધુ નીચે છે. ઓટો શેરોમાં પણ ઘણી વેચવાલી જોવા મળી રહી છે. ફાર્મા, એફએમસીજી, મેટલ અને આઈટી શેરો પણ દબાણ હેઠળ છે. હાલમાં સેન્સેક્સમાં 1029 પોઈન્ટનો ઘટાડો જોવા મળી રહ્યો છે અને તે 55,982ના સ્તરે ટ્રેડ થઈ રહ્યો છે. બીજી તરફ નિફ્ટી 310 પોઈન્ટ ઘટીને 16675ના સ્તરે છે. લાર્જ કેપ શેરોમાં પણ પ્રોફિટ રિકવરી છે. સેન્સેક્સ 30ના 28 શેરો લાલ નિશાનમાં છે. ટોપ લૂઝર્સમાં SBIN, M&M, HDFCBANK, BAJFINANCE, ULTRACEMCO, TATASTEEL, BAJAJFINSV, AXISBANK, LT અને KOTAKBANK નો સમાવેશ થાય છે.સ્થાનિક શેરબજાર માટે વિશ્વભરના બજારોમાંથી નબળા સંકેતો મળી રહ્યા છે. આજના કારોબારમાં એશિયાના મુખ્ય બજારોમાં વેચવાલી જોવા મળી રહી છે. બીજી તરફ શુક્રવારે યુએસ બજારો પણ ઘટાડા સાથે બંધ થયા છે. શુક્રવારે ડાઉ જોન્સમાં 532 પોઈન્ટનો તીવ્ર ઘટાડો નોંધાયો હતો અને તે 35,365ના સ્તરે બંધ થયો હતો. નાસ્ડેક 11 પોઈન્ટ ઘટીને બંધ રહ્યો હતો. તે જ સમયે, S&P 500 ઇન્ડેક્સમાં પણ 48 પોઇન્ટની નબળાઇ જોવા મળી હતી.
