પીએમ શાહબાઝ શરીફના ખાસ મદદનીશ અત્તા તરારે મીડિયા બ્રીફિંગમાં કહ્યું કે, જેઓ તોડફોડ કરી રહ્યા છે અને આગજની કરી રહ્યા છે તે તમામ લોકો ભારતમાંથી આવ્યા છે. આ લોકોને RSS અને BJP દ્વારા મોકલવામાં આવ્યા છે. ઈમરાન ખાનની ધરપકડ પાછળ RSS અને BJP સાથે જોડાયેલા લોકોનો હાથ છે. આ ઘટના બાદ ભારતમાં જશ્ન મનાવવામાં આવ્યો હતો. આરએસએસ અને ભાજપે તેનો જશ્ન મનાવ્યો હતો.
અત્તા તરારે કહ્યું કે પાકિસ્તાનમાં જે કંઈ પણ થઈ રહ્યું છે તેને લઈને ભારતમાં મીઠાઈઓ વહેંચવામાં આવી હતી. બધું RSSના ઈશારે થયું છે. ઈમરાન ખાનની ધરપકડ બાદથી દેશભરમાં વ્યાપક અશાંતિ અને હિંસક અરાજકતા ફેલાઈ ગઈ છે.
પ્રદર્શનકારીઓએ રાવલપિંડીમાં જનરલ હેડક્વાર્ટર (GHQ) તરફ જતા રસ્તાઓ પર ટાયર સળગાવી અને ઈંટો અને બ્લોક્સ ફેંક્યા હતા જ્યારે અન્ય લોકોએ GHQ ના મુખ્ય દરવાજા પર પથ્થરો અને ઈંટો ફેંકી હતી. ઈસ્લામાબાદ, લાહોર, કરાચી, પેશાવર અને દેશભરના અન્ય મોટા શહેરોમાં પીટીઆઈ સમર્થકોએ તેમનો ગુસ્સો દર્શાવતા મુખ્ય માર્ગો જામ કરી દીધા હતા.
