અદાણીની સંપતિમાં ધોવાણમાં રોકાવાનું નામ નહીં, વધુ એક મોટી ડીલ ગઈ હાથમાંથી

ગઈકાલે મોટો આંચકો લાગ્યો હતો અને તેણે $6 બિલિયનથી વધુની સંપત્તિ ગુમાવી

અમીરોની યાદીમાં વધુ એક સ્થાન સરકીને 26મા નંબરે આવી ગયા

આ કંપની સાથેની ડીલ થઇ રદ્દ
ગૌતમ અદાણીની નેટવર્થ સતત ઘટી રહી છે તો બીજી તરફ તેમના હાથમાંથી એક પછી એક મોટી ડીલ રદ્દ રહી છે. તેમના દ્વારા લેવામાં આવેલા પગલા સાથે, તેમની જે ડીલ પૂર્ણ થવાના તબક્કે હતી તે પણ હાથમાંથી નીકળી રહી છે. તાજેતરમાં જ ઓરિએન્ટ સિમેન્ટ સાથે સંબંધિત છે. એક અહેવાલ અનુસાર, સીકે ​​બિરલા ગ્રૂપની કંપની ઓરિએન્ટ સિમેન્ટે અદાણી પાવર મહારાષ્ટ્ર સાથેની ડીલને રદ્દ કરી છે.

શેરોમાં ઘટાડાને કારણે તેમની નેટવર્થ $43.4 બિલિયન થઈ
સૌથી વધુ ઘટાડો અદાણી એન્ટરપ્રાઈઝ અને અદાણી પોર્ટના શેરમાં જોવા મળ્યો હતો. શેરોમાં ઘટાડાને કારણે તેમની નેટવર્થ $43.4 બિલિયન થઈ ગઈ અને તે અમીરોની યાદીમાં વધુ એક સ્થાન સરકીને 26મા નંબરે આવી ગયા છે.

વિકીપીડિયાના રિપોર્ટના પગલે બે ડીલ રદ્દ કરી
હિન્ડનબર્ગ પછી વિકીપીડિયાના રિપોર્ટના પગલે અદાણીની મુસીબતો વધી છે. અદાણીએ શેરમૂલ્યમાં ભારે ઘસારાના લીધે તેની વૃદ્ધિના આયોજનને બ્રેક મારવાની ફરજ પડતા બે ડીલ રદ કરી છે. વિકીપીડિયાએ અદાણી પર આરોપ લગાવ્યો છે કે લગભગ એક દાયકાથી અદાણી જૂથને લઈને જુદા-જુદા પ્લેટફોર્મ પર વધારી વધારીને લખવામાં આવ્યું છે. વિકીપીડિયાના દાવા મુજબ આ માટે સાક પપિટનો ઉપયોગ કરવામાં આવ્યો છે. અહેવાલ મુજબ 40થી વધુ સાક પપિટ કે અઘોષિત રીતે પેડ રાઇટર્સે અદાણી કુટુંબ અને તેના કૌટુંબિક કારોબારો પર નવ લેખ લખ્યા અથવા તો રિસર્ચ આર્ટિકલ પ્રકાશિત કર્યા. 

અદાણી ગ્રુપ કંપનીઓના માર્કેટ કેપ.માં ૨૦ દિવસમાં રૂ.11,62,087 કરોડનું ધોવાણ