National કોલંબોમાં આજથી ભારત અને શ્રીલંકા સમુદ્રમાં યુદ્ધ અભ્યાસ કરશે, બંને દેશોની નૌસેના તાકાત બતાવશે By The Venus Times - April 6, 2023 0 93 Share on Facebook Tweet on Twitter ભારત-શ્રીલંકા દ્વિપક્ષીય સમુદ્ર યુદ્ધ અભ્યાસને ‘SLINEX-23’ નામ આપવામાં આવ્યું બંને દેશો વચ્ચે નૌસેનાના યુદ્ધ અભ્યાસની આ 10મી આવૃત્તિ છે ભારતીય નૌસેના પડોશી દેશ શ્રીલંકાની નૌસેના સાથે સંયુક્ત સમુદ્રમાં યુદ્ધ અભ્યાસની કવાયત કરી રહી છે. કોલંબોમાં હાર્બર ફેઝ બાદ સમુદ્રમાં સંયુક્ત યુદ્ધ અભ્યાસ તબક્કો 6ઠ્ઠી એપ્રિલથી 8મી એપ્રિલ સુધી યોજાવા જઈ રહ્યો છે. શ્રીલંકાની રાજધાની કોલંબોમાં બંને દેશો વચ્ચેની આ મહત્વપૂર્ણ યુદ્ધ અભ્યાસનું આયોજન કરવામાં આવી રહ્યું છે. ભારતીય સંરક્ષણ મંત્રાલયના જણાવ્યા અનુસાર કોલંબોમાં આયોજિત આ દરિયાઈ સંયુક્ત યુદ્ધ અભ્યાસ બે અલગ-અલગ તબક્કામાં થઈ રહ્યો છે. આ ભારત-શ્રીલંકા દ્વિપક્ષીય સમુદ્ર યુદ્ધ અભ્યાસને ‘SLINEX-23’ નામ આપવામાં આવ્યું છે. સંરક્ષણ મંત્રાલયનું કહેવું છે કે SLINEX-23નો ઉદ્દેશ્ય આંતર-કાર્યક્ષમતા વધારવા, પરસ્પર સમજણમાં સુધારો કરવાનો અને સંયુક્ત રીતે બહુ-પરિમાણીય સમુદ્રની કામગીરીનું સંચાલન કરતી વખતે શ્રેષ્ઠ પ્રથાઓની આપલે કરવાનો છે. બંને દેશોના નૌકાદળો વચ્ચે મિત્રતા અને ભાઈચારાના સંબંધોને વધુ મજબૂત કરવા હાર્બર તબક્કા દરમિયાન વ્યવસાયિક, સાંસ્કૃતિક અને રમતગમતના કાર્યક્રમો તેમજ સામાજિક આદાનપ્રદાનનું પણ આયોજન કરવામાં આવ્યું છે.આ નૌસેના અભ્યાસની 10મી આવૃત્તિ છેભારતીય નૌસેનાના જણાવ્યા અનુસાર બંને દેશો વચ્ચે નૌસેનાના યુદ્ધ અભ્યાસની આ 10મી આવૃત્તિ છે. ભારત અને શ્રીલંકાની નૌસેના દ્વારા આ સંયુક્ત કવાયતનો પ્રથમ તબક્કો 3 એપ્રિલે શરૂ થયો હતો જે 5 એપ્રિલ સુધી ચાલ્યો હતો. 3જીથી 5મી સુધી યોજાનારી આ કવાયત ‘પોર્ટ ફેઝ’ છે. આ પણ માત્ર કોલંબોમાં જ યોજાઈ હતી. આ સંદર્ભમાં વધુ માહિતી આપતાં ભારતીય સંરક્ષણ મંત્રાલયે જણાવ્યું હતું કે કોલંબોમાં પોર્ટ ફેઝ બાદ 6થી 8 એપ્રિલ દરમિયાન સમુદ્રમાં સંયુક્ત યુદ્ધ અભ્યાસનો તબક્કો યોજવામાં આવી રહ્યો છે.અગાઉ SLINEX વિશાખાપટ્ટનમમાં યોજાઈ હતીસંરક્ષણ મંત્રાલયના જણાવ્યા અનુસાર, સંયુક્ત કવાયતમાં ભારતીય નૌસેનાનું પ્રતિનિધિત્વ INS કિલતાન, એક સ્વદેશી કામોર્ટા ક્લાસ ASW કોર્વેટ અને INS સાવિત્રી, એક ઑફશોર પેટ્રોલિંગ જહાજ દ્વારા કરવામાં આવી રહ્યું છે. શ્રીલંકાની નૌસેનાનું પ્રતિનિધિત્વ SLNS ગજબાહુ અને SLNS સાગર દ્વારા કરવામાં આવી રહ્યું છે. બંને દેશોની નૌસેનાના મેરીટાઇમ પેટ્રોલ એરક્રાફ્ટ, હેલિકોપ્ટર અને વિશેષ દળો પણ આ અભ્યાસમાં ભાગ લેશે. આ અગાઉ SLINEX 7 માર્ચથી 12 માર્ચ 2022 દરમિયાન વિશાખાપટ્ટનમમાં યોજાઈ હતી.