– ભારતે કુલ ૪ ગોલ્ડ સાથે ૨૦૦૬ના રેકોર્ડની બરોબરી કરી
– નિખત ઝરીન બે વખત વર્લ્ડ ચેમ્પિયન બનનારી મેરી કોમ પછીની બીજી ભારતીય મહિલા બોક્સર
અગાઉ ભારતની નીતુ ઘંઘાસ ૪૮ કિગ્રા વજન વર્ગમાં અને સ્વિટી બૂરા ૮૧ કિગ્રા વજન વર્ગમાં ગોલ્ડ મેડલ જીતી હતી. નોંધપાત્ર છે કે નવી દિલ્હીમાં યોજાયેલી વર્લ્ડ વિમેન્સ બોક્સિંગ ચેમ્પિયનશિપમાં ભારતની ચાર બોક્સર ફાઈનલમાં પ્રવેશી હતી અને ચારેય ગોલ્ડ મેડલ જીતી હતી. ભારતે આ સાથે વર્લ્ડ વિમેન્સ બોક્સિંગમાં ૨૦૦૬ના તેના શ્રેષ્ઠ દેખાવની બરોબરી કરી હતી. ૨૦૦૬ની વર્લ્ડ વિમેન્સ બોક્સિંગમાં ભારતની પાંચ બોક્સરો ફાઈનલમાં પ્રવેશી હતી અને તેમાંથી ચાર ગોલ્ડ મેડલ જીતી હતી.
આજે રમાયેલી ૫૦ કિગ્રા વજન વર્ગની ફાઈનલમાં નિખત ઝરીને વિયેતનામની ગુયેન થી તામને ૫-૦થી હરાવી હતી. જ્યારે ૭૫ કિગ્રામાં લવલીનાએ ઓસ્ટ્રેલિયાની પારકર સામે ૫-૨થી આસાન જીત હાંસલ કરી હતી.
