– નિફટી ૧૮ પોઈન્ટ વધીને ૧૮૩૧૪
– FPI/FIIની રૂ.૧૦૧૪ કરોડની ચોખ્ખી ખરીદી, DIIની રૂ.૯૨૨ કરોડની વેચવાલી
બેંકિંગ-ફાઈનાન્સ શેરોમાં આજે ફંડોની પસંદગીની લેવાલી જળવાઈ હતી. ઈન્ડસઈન્ડ બેંક રૂ.૨૧.૪૫ વધીને રૂ.૧૨૦૯, એક્સિસ બેંક રૂ.૧૫.૧૫ વધીને રૂ.૯૧૦.૮૦, એચડીએફસી બેંક રૂ.૧૩.૯૦ વધીને રૂ.૧૬૬૭.૬૦, સ્ટેટ બેંક ઓફ ઈન્ડિયા રૂ.૪.૭૦ વધીને રૂ.૫૭૮.૧૦, એયુ સ્મોલ બેંક રૂ.૫.૬૦ વધીને રૂ.૭૧૩.૧૫, આઈસીઆઈસીઆઈ બેંક રૂ.૪.૩૫ વધીને રૂ.૯૪૩.૭૫ રહ્યા હતા. બીએસઈ બેંકેક્સ ઈન્ડેક્સ ૩૫૯.૩૨ પોઈન્ટ વધીને ૪૯૭૬૮.૧૮ બંધ રહ્યો હતો.
સ્મોલ, મિડ કેપ શેરોમાં પ્રોફિટ બુકિંગ
સ્મોલ, મિડ કેપ, રોકડાના શેરોમાં આજે સપ્તાહના અંતે ઘણા શેરોમાં પ્રોફિટ બુકિંગ થતાં માર્કેટબ્રેડથ નેગેટીવ બની હતી. બીએસઈમાં કુલ ટ્રેડીંગ થયેલી ૩૬૩૮ સ્ક્રિપોમાંથી ઘટનારની સંખ્યા ૧૯૨૪ અને વધનારની ૧૫૯૨ રહી હતી.
DIIની રૂ.૯૨૨ કરોડની ચોખ્ખી વેચવાલી
ફોરેન પોર્ટફોલિયો ઈન્વેસ્ટરો-એફપીઆઈઝ, વિદેશી સંસ્થાકીય રોકાણકારો-એફઆઈઆઈઝની આજે-શુક્રવારે કેશ સેગ્મેન્ટમાં રૂ.૧૦૧૪.૦૬ કરોડના શેરોની ચોખ્ખી ખરીદી કરી હતી. કુલ રૂ.૯૧૫૯.૪૯કરોડની ખરીદી સામે કુલ રૂ.૮૧૪૫.૪૩ કરોડની વેચવાલી કરી હતી. જ્યારે ડીઆઈઆઈ-સ્થાનિક સંસ્થાકીય રોકાણકારોની રૂ.૯૨૨.૧૯ કરોડની ચોખ્ખી વેચવાલી કરી હતી. કુલ રૂ.૫૪૫૭.૪૦ કરોડની ખરીદી સામે કુલ રૂ.૬૩૭૯.૫૯ કરોડની વેચવાલી થઈ હતી.