તલમાં ઝિંક, આયર્ન, વિટામીન B6, વિટામીન ઈ અને સેલેનિયમ જેવા પોષકતત્વો રહેલા છે
ઠંડીની ઋતુમાં (Winter) શરીરમાં ગરમાવો આવવો જરૂરી છે, તેની સાથે સાથે રોગ પ્રતિકારક શક્તિ મજબૂત હોવી જરૂર છે. રોગ પ્રતિકારક શક્તિ મજબૂત હોય તો વ્યક્તિ વારંવાર બીમાર પડતી નથી તથા કોઈપણ પ્રકારનું ઈન્ફેક્શન થતું નથી. રોગ પ્રતિકારક શક્તિ મજબૂત કરવા માટે શિયાળામાં તલના લાડુનું સેવન કરવું જ જોઈએ. શિયાળામાં તલના લાડુનું સેવન કરવાથી રોગ પ્રતિકારક શક્તિમાં વૃદ્ધિ થાય છે ઉપરાંત શરીરને અનેક પ્રકારના લાભ પ્રદાન કરે છે.તલ અને ગોળમાં તમામ પ્રકારના પોષકતત્વો રહેલા છે, જે સ્વાસ્થ્યને અનેક પ્રકારના લાભ પ્રદાન કરે છે. તલમાં ઝિંક, આયર્ન, વિટામીન B6, વિટામીન ઈ અને સેલેનિયમ જેવા પોષકતત્વો રહેલા છે. ગોળમાં કેલ્શિયમ, ફોસ્ફરસ, મેગ્નીશિયમ, પોટેશિયમ, ફોલિક એસિડ અને આયર્ન જેવા પોષકતત્વો રહેલા છે. જેનાથી શિયાળામાં શરીર એકદમ ફિટ અને તંદુરસ્ત રહે છે. અહીં તલના લાડુના લાભ વિશે માહિતી આપવામાં આવી છે.તલના લાડુનું સેવન કરવાથી હાડકાં મજબૂત થાય છે. તલના લાડુમાં કેલ્શિયમ રહેલું હોવાના કારણે હાડકાં મજબૂત બને છે અને બોન મિનરલ ડેંસિટીમાં સુધારો થાય શિયાળામાં અનેક લોકોને શરીરમાં સોજો આવવાની સમસ્યા થતી હોય છે. તલના લાડુનું સેવન કરવાથી આ પ્રકારની સમસ્યા દૂર થાય છે. જો તમને શરીરમાં કોઈપણ પ્રકારનો સોજો આવે છે અથવા દુખાવો થઈ રહ્યો છે, તો તમારે તલના લાડુનું જરૂરથી સેવન કરવું જોઈએ.શિયાળામાં અનેક લોકોને હ્રદયની સમસ્યા થાય છે. કોલસ્ટ્રોલનું સ્તર મેઈન્ટેઈન ન હોવાના કારણે આ પ્રકારની સમસ્યા થતી હોય છે. તલના લાડુનું સેવન કરવાથી કોલસ્ટ્રોલનું સ્તર મેઈન્ટેઈન રહે છે, જેના કારણે હ્રદય સંબંધિત સમસ્યા થવાના જોખમમાં ઘટાડો થાય છે.શિયાળામાં રોગ પ્રતિકારક શક્તિ મજબૂત હોવી જરૂરી છે. તલના લાડુનું સેવન કરવાથી રોગ પ્રતિકારક શક્તિમાં વધારો થાય છે, ઈન્ફેક્શન થવાનું જોખમ રહેતું નથી અને બિમારીઓ સામે રક્ષણ મળે છે.