National ‘અબકી બાર દિલ્હી મેં INDIA સરકાર’: CM મમતા બેનર્જીની તસવીર સાથે કોલકાતામાં લાગ્યા નવા પોસ્ટર By The Venus Times - August 5, 2023 0 80 Share on Facebook Tweet on Twitter વિપક્ષી પાર્ટીઓનું ગઠબંધન ‘INDIA’ના એલાન બાદ પશ્ચિમ બંગાળના રાજકારણમાં તેની અસર જોવા મળી રહી છે. રાજધાની કોલકાતામાં ગઠબંધન INDIAને લઈને નવા પોસ્ટર લાગ્યા છે. અનેક જગ્યાએ લાગેલા આ પોસ્ટરમાં દિલ્હી તરફ ઈશારો કરતા મમતા બેનર્જીની તસવીર સાથે લખ્યુ છે કે, ‘અબકી બાર દિલ્હી મેં INDIA સરકાર’. મહત્વની વાત એ છે કે, બંગાળમાં લાગેલા આ પોસ્ટર પર હિંદી ભાષામાં લખવામાં આવ્યું છે.2024ની લોકસભા ચૂંટણીમાં પીએમ મોદીના નેતૃત્વ વાળા NDAનો વિજય રથ રોકવા માટે 26 વિપક્ષી પાર્ટીઓ એક સાથે આવી છે. 18 જુલાઈના રોજ આ વિપક્ષી પાર્ટીઓની બેઠક કર્ણાટકની રાજધાની બેંગલોરમાં યોજાઈ હતી. જ્યાં બધાએ ઈન્ડિયન નેશનલ ડેવલપમેન્ટલ ઈન્ક્લુઝિવ એલાયન્સ-ઈન્ડિયા નામનો એનડીએ વિરોધી મોરચો બનાવવાની જાહેરાત કરી હતી.આ જ મહીને થશે ગઠબંધનની ત્રીજી બેઠકકોલકાતામાં આ પોસ્ટરો એવા સમયે લગાવવામાં આવ્યા છે જ્યારે આ મહિનાના અંતમાં INDIAની ત્રીજી બેઠક યોજાવા જઈ રહી છે. INDIA ની આ બેઠક 31 ઓગસ્ટ અને 1 સપ્ટેમ્બરે મુંબઈમાં યોજાવાની છે.આ બેઠક પણ બેંગલોર જેવી જ હશે. જેમાં પ્રથમ દિવસે એટલે કે 31 ઓગસ્ટે રાત્રિભોજનનો કાર્યક્રમ રાખવામાં આવ્યો છે. 1લી સપ્ટેમ્બરે દિવસ દરમિયાન મુખ્ય સભા યોજાશે. તે જ દિવસે બેઠક બાદ વિપક્ષી ગઠબંધનના નેતા સંયુક્ત પ્રેસ કોન્ફરન્સ કરશે.બિહારના મુખ્યમંત્રી નીતિશ કુમારના આહવાન પર 23 જૂને પટનામાં વિપક્ષી પાર્ટીઓની પ્રથમ બેઠક યોજાઈ હતી. આ બેઠકમાં આગામી ચૂંટણીમાં પીએમ મોદીને સત્તા પરથી હટાવવા માટે એકજૂથ થઈને ચૂંટણી લડવાની રણનીતિ પર સહમતિ સધાઈ હતી. NCP-શિવસેના યુબીટી કરશે યજમાનીવિપક્ષી ગઠબંધનની ત્રીજી બેઠકની યજમાની શરદ પવારની રાષ્ટ્રવાદી કોંગ્રસ પાર્ટી (NCP) અને ઉદિધવ ઠાકરેની શિવસેના (UBT) કરશે. બંને જ પાર્ટીઓ મહારાષ્ટ્રમાં કોંગ્રેસની સાથે મહારાષ્ટ્ર વિકાસ અઘાડી ગઠબંધનનો હિસ્સો છે.