પુતિનના વફાદાર મનાતા, મેદવેદેવ ૨૦૦૮ થી ૨૦૧૨ સુધી રશિયાના રાષ્ટ્રપતિ પદે પણ હતા. તે પછી તેમણે પુતિનને સત્તા સોંપી હતી.
તેમણે કહ્યું કે ‘સંભવ છે કે નોર્થ સીમાં રહેલાં રશિયાનાં યુદ્ધ જહાજોમાંથી નીકળેલાં હાઈપરસોનિક મિસાઇલ્સ ધી હેગમાં રહેલી આંતરરાષ્ટ્રીય ફોજદારી કોર્ટ ઉપર પણ પડે તે રોકવી કોર્ટ માટે અસંભવ છે.’ તે કોર્ટ કંઈ ‘નાટો’ની સભ્ય નથી તેથી કોઈ યુદ્ધ થવાની પણ શક્યતા નથી. તેથી એ હુમલાથી કોઈને કશો અફસોસ નહીં થાય.
મેદવેદેવે પોતાના ટેલીગ્રામ એકાઉન્ટ પર લખેલાં એક સ્ટેટમેન્ટમાં ICC ને એક નિરર્થક આંતરરાષ્ટ્રીય સંગઠન કહેવા સાથે જણાવ્યું હતું કે, તેના જજોએ હવે મિસાઈલ હુમલા માટે આકાશ તરફ નજર રાખવી પડશે.
નિરીક્ષકો તેમ પણ કહે છે કે વોરન્ટ બજાવવા જશે કોણ ? કોઈ રશિયા જઈ જ નહીં શકે તો પછી તે વોરંટનો અર્થ શો છે ?
