કેટરિના કૈફ અને વિકી કૌશલ તેમના લગ્નપછીથી જ સુંદર તસવીરો શેર કરીને ચાહકોને ખુશ કરી રહ્યા છે. વિકી-કેટરિનાએ 9 ડિસેમ્બરે રાજસ્થાનના સવાઈ માધોપુરમાં સિક્સ સેન્સ ફોર્ટ બરવારામાં તેમના પરિવાર અને નજીકના મિત્રોની હાજરીમાં લગ્ન કર્યા. માલદીવમાં રોયલ વેડિંગ અને હનીમૂન વેકેશન પછી બંને મુંબઈ પાછા ફર્યા છે. એવું કહેવામાં આવી રહ્યું છે કે, તેઓ વર્ક કમિટમેન્ટ અને વેડિંગ રિસેપ્શન પાર્ટી માટે હનીમૂનથી વહેલા પરત ફર્યા છે.
વિકી કૌશલ અને કેટરિના કૈફ રિસેપ્શનની નજીકના એક સૂત્રએ બૉલીવુડ લાઇફને જણાવ્યું હતું કે, વિકી અને કેટરિનાએ સમગ્ર ફિલ્મ ઉદ્યોગ માટે ભવ્ય રિસેપ્શન પાર્ટીની તૈયારી કરી રહ્યા છે. એટલું જ નહીં તેની તારીખ પણ નક્કી કરવામાં આવી છે. આ કપલ 20 ડિસેમ્બરે તેમના લગ્નની રિસેપ્શન પાર્ટી આપી રહ્યું છે. આ તારીખ પસંદ કરવા માટે ઘણા કારણો છે. એવું કહેવામાં આવી રહ્યું છે કે, વિકી અને કેટરીના બંને તેમના કામ પર પાછા ફરતા પહેલા લગ્નની તમામ વિધિઓ અને વ્યવહારો પૂર્ણ કરવા માંગે છે.
ઉપરાંત, ક્રિસમસ નજીક છે, અને આ વિકી કૌશલ-કેટરિના કૈફનો એક યુગલ તરીકેનો પ્રથમ તહેવાર હશે. એટલા માટે કેટરીના આ પહેલા રિસેપ્શન પાર્ટી આપવા માંગે છે. રિપોર્ટ અનુસાર, અમિતાભ બચ્ચન, સલમાન ખાન, આમિર ખાન, શાહરૂખ ખાન અને રણબીર કપૂર જેવા બોલિવૂડ સ્ટાર્સને વિકી-કેટરિનાની રિસેપ્શન પાર્ટીમાં હાજરી આપવા માટે આમંત્રણ મળ્યું છે.
એ-લિસ્ટર્સ કલાકાર રિસેપ્શનમાં હાજરી આપશે
એટલું જ નહીં, વિકી કૌશલ-કેટરિના કૈફની રિસેપ્શન પાર્ટીમાં રિતિક રોશન, કરણ જોહર, અક્ષય કુમાર, કંગના રનૌત, આલિયા ભટ્ટ, અનુષ્કા શર્મા, અજય દેવગન, ઈશાન ખટ્ટર, મેઘના ગુલઝાર, રોહિત શેટ્ટી, સિદ્ધાર્થ મલ્હોત્રા, તાપસી પન્નુ અને અભિષેક બચ્ચન સહિતના બોલિવૂડના કલાકારો પણ હાજરી આપશે.
